రోజూ చపాతీలతో పిల్లలను బోర్ కొట్టిస్తున్నారా.. అయితే చికెన్ చపాతీలతో స్కూలు నుంచి వచ్చే పిల్లలకు సర్ ప్రైజ్ ఇవ్వండి.
కావలసిన పదార్థాలు :
బోన్ లెస్ చికెన్ - ఒక కప్పు
వెన్న - ఒక స్పూన్
ఉల్లి పాయ తరుగు - అరకప్పు
గార్లిక్ పౌడర్ - అర స్పూన్
పచ్చి మిర్చి - నాలుగు
క్రీమ్ - అర కప్పు
చీజ్ - ఒక కప్పు
చపాతీలు - ఐదు
పాలు - అర కప్పు
తయారీ విధానం:
ఒక మూకుడులో వెన్నను కరిగించాలి. ఈ కరిగిన వెన్నలో చికెన్ ముక్కలు వేసి, బాగా వేయించాలి. మరో మూకుడు తీసుకుని దానిలో ఉల్లిపాయలు, గార్లిక్ పౌడర్, పచ్చిమిర్చి, క్రీమ్‌లను వేసి సన్నని సెగపై మీద వేపాలి. ఈ మిశ్రమం బాగా ఉడికిన తర్వాత దానిలో వేయించిన చికెన్ ముక్కలను వేసి పది నిమిషాల పాటు ఉడికించాలి. దీనిని ఆరు భాగాలుగా చేసి చపాతీల్లో పెట్టాలి. చపాతీలను గుండ్రంగా చుట్టి పిల్లలకు సాస్‌తో సర్వ్ చేస్తే ఇష్టపడి తింటారు.
