మంచాన్ని కారుగా మార్చుకున్నాడు. అవును.. ఇంట్లో బెడ్ రూమ్‌లో వుండే మంచాన్ని రోడ్డుపైకి తెచ్చుకుని ఎంచక్కా ప్రయాణం చేశాడు. ఈ వీడియో నెట్టింట వైరల్ అయ్యింది. ఇది నమ్మశక్యం కానిదిగా అనిపించవచ్చు, కానీ పశ్చిమ బెంగాల్‌లో రద్దీగా ఉండే రోడ్డుపై ప్రయాణించాడు.
ఆ బండిపై ప్రయాణించే వ్యక్తి నబాబ్ అని తెలిసింది. అతను బెడ్-కార్‌ను నిర్మించి, వీధుల్లో రైడ్ చేయాలని నిర్ణయించుకున్నాడు. ఈ వీడియో ప్రస్తుతం 64 మిలియన్లకు పైగా వీక్షణలతో సోషల్ మీడియాలో వైరల్ అయ్యింది. ఆ వింత వాహనంలో పూర్తి సైజు బెడ్, మెట్రెస్, బెడ్‌షీట్, దిండ్లు ఉన్నాయి. మంచం కింద అమర్చబడిన చక్రాలు దానిని రోడ్డుపైకి ఎంచక్కా ప్రయాణించేలా చేశాయి.
మంచం నిల్వ చేసే కంపార్ట్‌మెంట్ లోపల హాయిగా కూర్చున్న డ్రైవర్, స్టీరింగ్ వీల్‌తో వాహనాన్ని నడిపాడు. అదే సమయంలో రోడ్డుపై బైకర్లు ఆ క్షణాన్ని రికార్డ్ చేస్తూ కనిపించారు.
