ప్రభుత్వ పాఠశాలల్లో మౌలిక వసతులు అంతంత మాత్రంగానే వున్నాయి. తాజాగా మహారాష్ట్రలో విద్యార్థులు భయాందోళనకు గురయ్యే ఘటన చోటుచేసుకుంది. తరగతి గదిలో కూర్చుని పాఠాలు వింటున్న విద్యార్థుల తలలో పిడుగు పడినట్లు.. ఆ భవనానికి పైకప్పు స్లాబ్ కిందపడింది. ఈ ఘటనలో ముగ్గురు విద్యార్థులకు గాయాలైనాయి.
ఈ ఘటనకు సంబంధించిన వీడియో ప్రస్తుతం నెట్టింట వైరల్ అవుతోంది. మహారాష్ట్ర, ఉల్హాన్స్‌నగర్‌కు చెందిన ఓ పాఠశాలలో టీచర్ పాఠాలు చెప్తుంటే.. విద్యార్థులు వింటూ వున్నారు. ఆ సమయంలో ఉన్నట్టుండి.. ఆ భవనం పైకప్పు నుంచి సిమెంట్ స్లాబ్ ఊడి విద్యార్థుల తలపై పడింది. దీంతో విద్యార్థులు భయాందోళనలకు గురయ్యారు.
విద్యార్థుల్లో కొందరు తలపట్టుకుంటే.. మరికొందరు తలపై పడిన మట్టిని తొలగించుకుంటూ క్లాస్ రూమ్‌ నుంచి బయటికి వెళ్లిపోయారు. ఈ ఘటనకు సంబంధించిన వీడియో ప్రస్తుతం నెట్టింట వైరల్ అవుతోంది. మీరూ ఈ వీడియోను ఓ లుక్కేయండి.
