లోక్‌సభలో చర్చ సందర్భంగా, ప్రతిపక్ష నేత రాహుల్ గాంధీ సాంప్రదాయ హల్వా వేడుకను "బడ్జెట్ కా హల్వా" అని పిలిచారు. పార్లమెంట్‌లో హల్వా వేడుక ఫోటోను ప్రదర్శిస్తూ రాహుల్ గాంధీ ఆ ఫోటోలో దళిత, ఆదివాసీ, వెనుకబడిన తరగతుల అధికారులు లేరని అన్నారు. ఫోటోలో బడ్జెట్ హల్వా పంపిణీ చేస్తున్నారు.
అందులో ఒక్క దళితుడు లేదా ఆదివాసీ లేదా వెనుకబడిన తరగతి అధికారి కనిపించడం లేదు. ఏం జరుగుతోంది సార్? హల్వా పంపిణీ చేస్తున్నారు కానీ 73 శాతం కూడా లేదు" అని రాహుల్ అన్నారు.
తన ప్రసంగం సమయంలో సభలో ఉన్న కేంద్ర ఆర్థిక మంత్రి నిర్మలా సీతారామన్, రాహుల్ 'బడ్జెట్ కా హల్వా' వ్యాఖ్య తర్వాత ముఖం కప్పుకుని పెద్దగా నవ్వుతూ కనిపించారు. అనంతరం రాహుల్ గాంధీ తన ప్రసంగంలో కుల గణన ఆవశ్యకతపై మాట్లాడుతూ.. తాను మాట్లాడుతున్నప్పుడు ఆర్థిక మంత్రి నవ్వుతూ ఉన్నారని సూచించారు.
"ఆర్థిక మంత్రి నవ్వుతున్నారు, చెప్పుకోదగ్గ విషయం! ఇది నవ్వే విషయం కాదు మేడమ్. ఇది కుల గణన. ఇది దేశాన్ని మారుస్తుంది..." అని చెప్పారు.
