కరోనా వైరస్‌ నేపథ్యంలో అన్ని రంగాల్లో వర్క్‌ ఫ్రం హోం ఓ నిబంధనగా మారింది. అయితే దీనివల్ల పెరిగిన పని ఒత్తిడి.. తమ వ్యక్తిగత జీవితాలను ప్రభావితం చేస్తున్నదని 59 శాతం పురుష ఉద్యోగులు ఆందోళన వెలిబుచ్చుతున్నారు.
ఈ మేరకు సైకీ మార్కెట్‌ నెట్‌వర్క్‌ అనే జాబ్‌ సైట్‌ సర్వే తెలియజేసింది. 56 శాతం మహిళా ఉద్యోగులూ ఇదే అభిప్రాయాన్ని వ్యక్తం చేయడం గమనార్హం.
కొవిడ్‌-19 థర్డ్‌ వేవ్ అంచనాల మధ్య ఈ సర్వే ప్రాధాన్యతను సంతరించుకున్నది. గత నెల 20-26 మధ్య దేశంలోని మెట్రో నగరాల్లో నిర్వహించిన ఈ సర్వేలో మొత్తం 2,500 మంది పాల్గొన్నారు.
