వేలాది మంది మహిళా విద్యార్థులు గురువారం రాత్రి చెన్నైలో రోడ్డుపైకి వచ్చారు. హాస్టల్ వార్డెన్ లైంగికంగా వేధిస్తున్నాడని.. అతనిపై చర్యలు తీసుకోవాల్సిందిగా వారు డిమాండ్ చేశారు. ఈ వ్యవహారం తమిళనాడు రాజధాని చెన్నైలో చోటుచేసుకుంది. అదీ ప్రముఖ ఎస్‌ఆర్ఎమ్ యూనివర్శిటీలో ఈ తతంగం చోటుచేసుకుంది.
హాస్టల్‌లో పనిచేసే ఓ వ్యక్తి యూజీ చదివే విద్యార్థినుల పట్ల అభ్యంతరకరంగా ప్రవర్తిస్తున్నాడని వారు ఆరోపించారు. కాంచీపురం జిల్లాలోని ఈ యూనివర్శిటీలో గురువారం మధ్యాహ్నం విద్యార్థినులు లైంగిక వేదింపులకు నిరసనగా ఆందోళన బాట పట్టారు. తోటపని చేసే వ్యక్తి హాస్టల్ లిఫ్టులో విద్యార్థినులు వుండగా హస్తప్రయోగం చేస్తూ అభ్యంతరకరంగా వ్యవహరించాడు.
లిఫ్టులో ఓ విద్యార్థిని పట్ల అసభ్యంగా ప్రవర్తించాడని.. విద్యార్థిని నాలుగో అంతస్తులో దిగాల్సి వుండగా.. 8వ అంతస్తు వరకు లిఫ్టును కావాలనే నడిపాడని బాధితురాలు వాపోయింది. మహిళా హాస్టల్‌లో పురుషులను అనుమతించడం సరికాదని.. ఈ వ్యవహారంపై అధికారులకు చెప్పినా ఎలాంటి చర్యలు తీసుకోలేదని విద్యార్థినులు మండిపడుతున్నారు. అయితే విద్యార్థిని ధరించి దుస్తులు పద్ధతిగా లేవని హాస్టల్ వార్డెన్ చెప్తున్నారు. ఇంకా వర్శిటీ వైస్ ఛాన్సలర్ మాత్రం దీనిపి విచారణ జరుపుతామని హామీ ఇచ్చారు.
