కాంగ్రెస్ పూర్వ అధ్యక్షురాలు సోనియా గాంధీ బుధవారం ఉన్నట్టుండి అస్వస్థతకు లోనయ్యారు. దీంతో ఆమెను ఢిల్లీలోని సర్ గంగారామ్ ఆస్పత్రికి తరలించారు. సోనియా వెంట ఆమె కుమార్తె ప్రియాంకా గాంధీ ఉన్నారు. అయితే, సాధారణ వైద్య పరీక్షల కోసమే ఆస్పత్రికి తీసుకెళ్లారని కాంగ్రెస్ సీనియర్ నేత ఒకరు తెలిపారు.
మరోవైపు, 76 యేళ్ల సోనియా గాంధీ శ్వాసపీల్చడంలో ఇబ్బంది పడుతుండటంతోనే ఆమె ఆస్పత్రికి తీసుకెళ్లారని ప్రభుత్వ వార్తా సంస్థ పీటీఐ మీడియా వెల్లడించింది. నిజానికి సోనియాకు మంగళవారం నుంచే ఆరోగ్యం బాగాలేదని పీటీఐ తన కథనంలో పేర్కొంది.
మరోవైపు, రాహుల్ గాంధీ చేపట్టిన భారత్ జోడో యాత్ర ఉత్తర ప్రదేశ్ రాష్ట్రంలోకి ప్రవేశించింది. అయితే, తన తల్లి అస్వస్థతకు లోనయ్యారని తెలియగానే రాహుల్, ప్రియాంకా గాంధీలు హుటాహుటిన ఢిల్లీకి చేరుకున్నారు.
