ఢిల్లీ అసెంబ్లీ ఎన్నికల ప్రచారం ముమ్మరంగా సాగుతోంది. ఈ ప్రచారంలో ప్రధాని నరేంద్ర మోడీ పాల్గొని, బీజేపీ అభ్యర్థుల విజయం కోసం ప్రచారం చేస్తున్నారు. అయితే, ఈ ఎన్నికల ప్రచారంలో ఓ ఆసక్తిర పరిణామం చోటు చేసుకుంది. తమ పార్టీ తరపున ఎమ్మెల్యే అభ్యర్థిగా పోటీ చేస్తున్న ఓ నేత ప్రధాని మోడీ కాళ్లకు నమస్కరించారు. ప్రతినమస్కారంగా ఆ అభ్యర్థి కాళ్ళకు ప్రధాని మూడుసార్లు మొక్కారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అయింది.
స్టేజీపై ఉండగా మోడీ కాళ్లకు బీజేపీ ఎమ్మెల్యే అభ్యర్థి రవీంద్ర సింగ్ నమస్కరించి ఆశీర్వాదం తీసుకున్నారు. ఆ వెంటనే ఎమ్మెల్యే అభ్యర్థినిపైకి లేపిన ప్రధాని మోడీ అతని కాళ్లకు మూడుసార్లు నమస్కరించారు. ఢిల్లీ అసెంబ్లీ ఎన్నికల ప్రచారంలో భాగంగా బుధవారం పలు నియోజకవర్గాల్లో ప్రధాని నరేంద్ర మోడీ పర్యటించారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతుంది.
