దేశంలోని నిరుద్యోగులకు ప్రధానమంత్రి నరేంద్ర మోడీ శుభవార్త చెప్పారు. వివిధ మంత్రిత్వ శాఖల్లో ఖాళీగా ఉన్న పోస్టులను భర్తీ చేయనున్నట్టు తెలిపారు. ఇందులోభాగంగా, 10 లక్షల ఉద్యోగాల నియామకాలకు అనుకూలంగా ఆదేశాలు జారీచేశారు. కేంద్ర ప్రభుత్వం పరిధిలోని అన్ని శాఖలు, విభాగాల పరిధిలో మానవవనరుల పరిస్థితులపై ప్రధాని మోడీ ఉన్నతాధికారులతో ఒక సమీక్ష నిర్వహించారు. ఈ సందర్భంగా ఆయన కీలక ఆదేశాలు జారీచేశారు.
"మిషన్ మోడ్‌లో వచ్చే యేడాదిన్నర కాలంలో 10 లక్షల మంది నియామకాలు చేపట్టాలి" అంటూ ప్రధాని ఆదేశించారని ప్రధానమంత్రి కార్యాలయం విడుదల చేసిన ఓ పత్రికా ప్రకటనలో పేర్కొంది. ఈ పోస్టులను వచ్చే 18 నెలల కాల వ్యవధిలో భర్తీ చేయనున్నారు.
దేశంలో నిరుద్యోగ శాతం విపరీతంగా పెరిగిపోయింది. ఈ అంశాన్ని అడ్డుపెట్టుకుని విపక్షాలు తీవ్ర స్థాయిలో విమర్శలు గుప్పిస్తున్నాయి. విపక్ష నేతల నోటికి తాళం వేసేలా 10 లక్షల ఉద్యోగ నియామకాలు చేపట్టాలని ప్రధాని ఆదేశించారు.
కేంద్రం మెడలు వంచే ఛాన్స్ ఇది.. వదులుకోవద్దు.. సీఎం జగన్‌కు హర్షకుమార్ వినతి
