ఖగోళంలో మరో అద్భుతం ఆవిష్కృతంకానుంది. 'పెనుంబ్లార్‌ లూనార్‌'గా పిలిచే చంద్రగ్రహణం ఏర్పడనుంది. ఈ విషయాన్ని ప్లానెటరీ సొసైటీ ఆఫ్ ఇండియా డైరెక్టర్‌ ఎన్‌.శ్రీరఘునందన్‌ కుమార్‌ తెలిపారు. భారత కాలమానం ప్రకారం శుక్రవారం రాత్రి 8.42 నుంచి 1.04 గంటల వరకు ఉంటుందన్నారు.
అయితే ఇది భారతదేశంలో కనిపించదని.. ఆఫ్రికా, ఆస్ట్రేలియా, అట్లాంటిక్‌ వంటి ప్రాంతాల్లోనే కనిపిస్తుందని పేర్కొన్నారు. దాని ప్రభావం భారత్‌లోనూ ఉంటుందంటూ వస్తున్నవన్నీ వదంతులేనని స్పష్టంచేశారు. ముఖ్యంగా పుట్టబోయే బిడ్డలపై గ్రహణానికి సంబంధించిన హానికారక ప్రభావాలు ఉంటాయని చేసే ప్రచారాలను నమ్మొద్దని శ్రీరఘునందన్‌కుమార్‌ తెలిపారు. పైగా, 2023 సంవత్సరంలో కనిపించే తొలి చంద్రగ్రహణం కావడం గమనార్హం.
