సోషల్ మీడియా పుణ్యమాని ఇపుడు రోజుకో ఛాలెంజ్ పుట్టుకొస్తోంది. నిన్నటికి నిన్న ఐస్‌బకెట్ ఛాలెంజ్, ఫిట్నెస్ ఛాలెంజ్, కీకీ ఛాలెంజ్, ఇలా పలు కరాల ఛాలెంజ్‌లు దర్శనమిచ్చాయి. అయితే, ఇప్పుడు మరో నయా ఛాలెంజ్ నెట్టింట్లో వైరల్‌గా మారుతుంది. అదే బొద్దింకల ఛాలెంజ్.
వినడానికి వింతగా ఉన్న ఇది నిజం. జీవంతో ఉన్న బొద్దింకను ముఖం మీద వేసుకుని అది ముఖం అంతా తిరుగుతూ ఉంటే కదలకుండా కూర్చోవడమే ఈ ఛాలెంజ్ ప్రత్యేకత. అలెక్స్ అనే యువకుడు ఈ నయా ఛాలెంజ్‌ను కనిపెట్టాడు. తన ముఖం మీద ఓ బొద్దింకను వేసుకుని.. దాన్ని సెల్ఫీ తీసి తన ఫేస్‌బుక్‌లో అప్‌లోడ్ చేశారు.
'కొత్త ఛాలెంజ్ మీరు చేయగలరా?' అంటూ సవాల్ విసిరాడు. దీంతో నెటిజన్లు అతడి ఛాలెంజ్‌ను స్వీకరిస్తూ… ఇదేమైనా పెద్ద ఛాలెంజా..? అంటూ కాంమెట్స్ చేయడం మొదలుపెట్టారు. అలెన్స్ పోస్ట్‌ను ఇప్పటి వరకు 18 వేల మంది షేర్ చేశారు. 1200 మందికిపైగా నెటిజన్లు లైక్ చేశారు. 500 మందికి పైగా కామెంట్స్ చేశారు. ఈ ఛాలెంజ్ సోషల్ మీడియాను ఎంతలా కుదుపుతుందో చూడాలి.
