కేంద్రంలోని భారతీయ జనతా పార్టీకి గట్టి ఎదురు దెబ్బ తగిలింది. స్వాతంత్ర్య సమరయోధుడు నేతాజీ సుభాష్ చంద్రబోస్ మేనల్లుడు చంద్రబోస్ కాషాయం పార్టీకి టాటా చెప్పేశారు. దివంగత ఆశయాలను పార్టీ నేరవేర్చనందుకు నిరసనగా ఆ పార్టీకి రాజీనామా చేస్తున్నట్టు ఆయన ప్రకటించారు.
గత 2016లో బీజేపీలో చేరిన చంద్రబోస్.. 2019లో లోక్‌‍సభ ఎన్నికల్లో ఆ పార్టీ తరపున పోటీ చేసారు. తాను బీజేపీలో చేరినపుడు నేతాజీ, శరత్ చంద్ర భోంస్లే సిద్ధాలను ప్రచారం చేసేందుకు అనుమతిస్తామని చెప్పారనీ, ఆ తర్వాత ఆ దిశగా ఒక్క చర్య కూడా తీసుకున్న పాపాన పోలేదని ఆరోపించారు.
2016లో వెస్ట్ బెంగాల్ బీజేపీ ఉపాధ్యక్షుడిగా చంద్రబోస్‌ను నియమించగా, 2020లో పునర్‌వ్యవస్థీకరణలో ఆయనకు చోటుదక్కలేదు. బీజేపీ వేదికగా దివంగత భావజాల వ్యాప్తిగి దేశమంతా ప్రచారం చేయాలని భావించానని కానీ, అది తనకు ఆచరణలో సాధ్యం కాలేదని ఆవేదన వ్యక్తం చేశారు.
బీజేపీ సిద్ధాంతాలకు అనుగుణంగా ఆజాద్ హింద్ మోర్చా స్థాపించి కుల మతాలకు అతీతంగా నేతాజీ ఆలోచనల మేరకు అన్ని వర్గాలను భారతీయులుగా ఏకం చేయాలని అనుకున్నామని బీజేపీ జాతీయ అధ్యక్షుడు జేపీ నడ్డాకు పంపిన రాజీనామా లేఖలో ఆయన రాసుకొచ్చారు.
