టూర్స్ అండ్ ట్రావెల్స్ పేరుతో హైప్రొఫైల్ సెక్స్ రాకెట్.. ముగ్గురు ఆర్టిస్టులకు విముక్తి

శుక్రవారం, 17 జనవరి 2020 (12:03 IST)
ముంబై నగరంలో ఓ హైప్రొఫైల్ వ్యభిచార గుట్టును పోలీసులు ఛేదించారు. ఓ త్రీస్టార్ హోటల్‌లో గుట్టుచప్పుడు కాకుండా సాగుతూ వచ్చిన ఈ బండారాన్ని బయటపెట్టారు. ఇందులో ముగ్గురు జూనియర్ ఆర్టిస్టులకు విముక్తి కల్పించారు. 
 
ఈ వివరాలను పరిశీలిస్తే, ముంబైలోని ఓ మూడు నక్షత్ర హోటల్‌లో గుట్టుచప్పుడు కాకుండా వ్యభిచారం సాగుతున్నట్టు నగర పోలీసులకు సమాచారం అందింది. దీంతో పోలీసులు రంగంలోకిదిగి ప్రత్యేక నిఘా సారించారు. ఈ వ్యవహారంలో కందివ్యాలీలో టూర్స్ అండ్ ట్రావెల్స్ నిర్వహిస్తున్న ప్రియాశర్మ, ఈ మొత్తం సెక్స్ రాకెట్ లో ప్రధాన సూత్రధారని గుర్తించారు. హోటల్‌పై దాడి చేయాలని పక్కా ప్లాన్ వేశారు.
 
తమ ప్లాన్‌లో భాగంగా, ప్రియా శర్మ(29)ను ట్రాప్ చేసిన పోలీసులు, ఆమె, ముగ్గురు ఆర్టిస్టులతో హోటల్‌లో ఉన్న సమయంలో దాడులు జరిపారు. ఓ టీవీ చానెల్ క్రైమ్ షోలో యాంకర్‌గా ఉన్న యువతి, ఓ వెబ్ సీరీస్‌లో నటించిన మైనర్ బాలిక, మరాఠీ చిత్రాలు, సీరియల్స్‌లో రాణిస్తున్న ప్రముఖ నటిని ప్రియా శర్మతో ఉండటాన్ని చూసి, వారిని రెస్క్యూ హోమ్‌కు తరలించారు. ప్రియా శర్మను అరెస్టు చేసి రిమాండ్‌కు తరలించారు. 
 

వెబ్దునియా పై చదవండి

తర్వాతి కథనం భార్యను ముక్కలుముక్కలుగా నరికేసిన భర్త.. ఎందుకంటే...