తమిళనాడు, తిరుచ్చిలో ట్యూషన్‌కు వచ్చిన 10వ తరగతి విద్యార్థితో రాత్రంతా అభ్యంతరకరంగా చాట్ చేసిన ఓ టీచర్‌ను అరెస్ట్ చేశారు. వివరాల్లోకి వెళితే.. తిరుచ్చి జిల్లా, ఉప్పిలియపురం సమీపంలోని వెలయపట్టికి చెందిన దేవి (40). తరుయూర్‌లోని ప్రభుత్వ ఎయిడెడ్‌ పాఠశాలలో గణిత ఉపాధ్యాయురాలిగా పనిచేస్తోంది.
గత కొన్ని నెలలుగా మనస్పర్థల కారణంగా భర్తతో కలిసి విడివిడిగా ఈమె జీవిస్తున్నట్లు సమాచారం. ఈ నేపథ్యంలో తన వద్ద చదువుకుంటున్న 10వ తరగతి విద్యార్థితో ఆమె చాటింగ్ చేస్తున్నట్లు తెలిసింది.
తన కుమారుడి ప్రవర్తనపై అనుమానం రావడంతో అతడి తల్లిదండ్రులు కుమారుడిపై కన్నేసి వుంచారు. అప్పుడు అర్థరాత్రి దాటాక ఉపాధ్యాయురాలు దేవితో పదో తరగతి విద్యార్థి సెల్ ఫోన్‌లో చాలాసేపు అసభ్యకరంగా చాట్ చేసినట్లు వెలుగులోకి వచ్చింది.
దీంతో విద్యార్థి చదువుపై శ్రద్ధ చూపడం లేదని ఇందుకు ట్యూషన్ టీచర్ కారణమని తేలింది. ఈ ఘటనపై విద్యార్థి తల్లిదండ్రుల ఫిర్యాదు మేరకు మహిళా పోలీసులు ఉపాధ్యాయురాలు దేవిపై పోక్సో చట్టం కింద కేసు నమోదు చేసి అరెస్టు చేశారు. విద్యార్థిని శిశు సంక్షేమ కేంద్రానికి తరలించారు.
