65 ఏళ్ల వయస్సులో ఓ ప్రేమ జంట ఒక్కటైంది. యుక్త వయస్సులో ప్రియురాలికి పెళ్లైంది. అయినా ఒంటరి జీవితాన్ని గడిపిన ఆ ప్రియుడు చివరికి ప్రేయసితో చేతులు కలిపాడు. వివరాల్లోకి వెళితే.. చిక్కన్నా, జయమ్మలు అనే ఇద్దరు చాలాకాలం ప్రేమించుకుంటున్నారు.
మైసూరులోని హెబ్బాళ్ల ప్రాంతానికి చెందిన వీరిద్దరికి ఒకరంటే మరొకరికి చాలా ప్రేమ. అయితే కొన్ని కారణాల వల్ల జయమ్మకు యుక్త వయస్సులోనే మరో వ్యక్తితో పెళ్లి అయ్యింది. ఆ తర్వాత చిక్కన్నా.. తన ప్రేయసి దక్కలేదన్న బాధతో మరేవరిని తన జీవితంలోకి రానియకుండా ఒంటరిగా మిగిలిపోయాడు. అప్పటి నుండి జయమ్మ స్మృతిలోనే జీవిస్తూ వచ్చాడు.
కొంత కాలానికి జయమ్మ భర్త చనిపోయాడు. ఆమెకు ఎలాంటి సంతానం కలగలేదు. అప్పటి నుండి ఇద్దరూ తమ పాత జ్ఞాపకాలను గుర్తు చేసుకుంటూ వేర్వేరుగా ఉంటూ వచ్చారు. తాజాగా వాళ్లు ఇద్దరు పెళ్లి చేసుకున్నారు. సంప్రదాయబద్ధంగా ఈ పెళ్లి జరిగింది. ఈ వివాహానికి సంబంధించిన ఫోటోలు ప్రస్తుతం నెట్టింట వైరల్ అవుతున్నాయి.
