దేశవ్యాప్తంగా కోవిడ్-19 వైరస్ వ్యాప్తి రోజురోజుకు పెరుగుతూనే ఉంది. కోవిడ్-19 బారిన పడకుండా మాస్క్ ధరించడం, తరచూ శానిటైజర్లతో చేతులను శుభ్రం చేసుకోవడం మాత్రమే ముఖ్యం కాదు.
ఇంట్లో ఆహార పదార్థాలను వినియోగించే సమయంలోనూ తగు జాగ్రత్తలు తీసుకోవాలని ‘భారత ఆహార నాణ్యత ప్రమాణాల సంస్థ (ఎఫ్‌ఎస్‌ఎస్‌ఏఐ)’ప్రజలకు సూచించింది.
కోవిడ్-19 వ్యాప్తి నివారించడానికి ఆహార విషయంలో తీసుకోవాల్సిన జాగ్రత్తలు:
1) బయటి నుంచి తీసుకువచ్చిన పండ్లు మరియు కూరగాయలను మంచి నీటితో శుభ్రంగా కడగాలి.
2) మాంసాహారాలను బాగా ఉడికించి వండుకునేలా జాగ్రత్తలు తీసుకోవాలి.
3) ప్రతి రోజూ తరచుగా మంచినీటిని తాగడం అలవర్చుకోవాలి.
4) రోగ నిరోధక శక్తిని పెంచుకోవడానికి విటమిన్-సి అధికంగా ఉండే ఆహార పదార్థాలను తరచూ తీసుకుంటూ ఉండాలి.
5) మాంసం, కూరగాయలు, పండ్ల కోసం ఉపయోగించే కత్తులు, బోర్డులను వేర్వేరుగా వాడాలి.
6) వంటగదితోపాటు వంట సామాగ్రిని వినియోగించే ప్రదేశాలన్నింటినీ యాంటీ బ్యాక్టీరియల్ ద్రావణాలతో శుభ్రం చేసుకోవాలి.
7) వంట వస్తువులను, ఆహారం, నీళ్ల బాటిళ్లను ఇరుగుపొరుగు వారికి ఇవ్వకుండా జాగ్రత్తలు తీసుకోవాలి.
8) ఆహార పదార్థాలు క్రిమికీటకాలు, పెంపుడు జంతువులు దరిచేరకుండా భద్రపరుచుకోవాలి.
9) మిగిలిపోయిన ఆహారపదార్థాలను వెంటనే రిఫ్రిజిరేటర్ లో ఉంచాలి.
10) చెడిపోయిన ఆహార పదార్థాలను బాధ్యతగా ఎప్పటికప్పుడు పారవేయవలెను.
ఆరోగ్యమే మహా భాగ్యం- పరిశుభ్రంగా ఉందాం- కరోనాను జయిద్దాం!
