వీధికుక్కలు చిరుతను మట్టుబెట్టాయంటే నమ్ముతారా..? నమ్మితీరాల్సిందే. చిరుతను చూసి వీధికుక్కలు రెచ్చిపోయాయి. అంతేగాకుండా చిరుతను చుట్టుముట్టి కొరికేశాయి. ఈ ఘటనలో చిరుత ప్రాణాలు కోల్పోయింది. కేరళలోని కాల్పెట్టాలో ఈ ఘటన చోటుచేసుకుంది. దీనికి సంబంధించిన వీడియో ప్రస్తుతం నెట్టింట వైరల్ అవుతోంది.
దాదాపు పది శునకాలు చిరుతను చుట్టుముట్టాయి. ఆ శునకాల బారి నుంచి తప్పించుకునేందుకు చిరుత ఎంతగానో పోరాడింది. కానీ ఫలితం లేకపోయింది. ఒక్కసారిగా పది శునకాలు మీద పడి కరవడంతో తీవ్ర రక్త స్రావంతో చిరుత కిందపడిపోయింది. అయినా ఆ శునకాలు వదిలిపెట్టలేదు.
చిరుతపులి చనిపోయే వరకూ అలా కరుస్తూనే వుండిపోయాయి. ఈ ఘటనను ఓ వ్యక్తి ఫోన్ లో రికార్డు చేసి సోషల్ మీడియాలో పోస్ట్ చేయడంతో వైరల్‌గా మారింది.
