కేరళలో కరోనాకు కొత్త పద్ధతి.. ప్లాస్మా థెరపీకి రంగం సిద్ధం..

శుక్రవారం, 10 ఏప్రియల్ 2020 (16:20 IST)
కేరళలో ఇవాళ కొత్తగా మరో 21 కరోనా పాజిటివ్‌ కేసులు నమోదయ్యాయి.  కరోనా అనుమానిత కేసులు 286 నమోదవగా..వీటిలో 256 కేసులు యాక్టివ్‌గా ఉన్నాయని కేరళ సీఎం పినరయ్‌ విజయన్‌ ఇప్పటికే ప్రకటించారు. ఇక కోవిడ్-19 కారణంగా విషమ పరిస్థితుల్లో వున్న రోగులకు ప్లాస్మా థెరపీ ద్వారా మళ్ళీ ఆరోగ్యవంతులను చేసేందుకు కేరళ ప్రభుత్వం నడుం కట్టింది. 
 
అయితే ఈ వ్యాధి నుంచి పూర్తిగా కోలుకున్నవారి రక్తంలోని యాంటీ బాడీలను వినియోగించుకోవలసి ఉంటుంది. ఈ థెరపీ క్లినికల్ ట్రయల్స్‌కు శ్రీకారం చుట్టిన కేరళ ఈ తరహా ప్రయోగానికి దేశంలోనే తొలి రాష్ట్రంగా నిలిచింది. ఈ ప్రాజెక్టుకు ఇండియన్ కౌన్సిల్ ఆఫ్ మెడికల్ రీసెర్చ్ ఆమోదం తెలిపిందని అధికారి ఒకరు తెలిపారు. 
 
వివరాల్లోకి వెళితే.. తిరువనంతపురంలోని శ్రీ చిత్ర తిరుణాల్ ఇన్స్‌టి‌ట్యూట్ ఫర్ మెడికల్ అండ్ సైన్సెస్ టెక్నాలజీ ఈ దిశగా ప్రయోగాలు చేపడుతుందని కేరళ ప్రభుత్వాధికారి తెలిపారు. ఈ నెలాఖరు నుంచి ట్రయల్స్ ప్రారంభిస్తుందన్నారు. 
 
ఇప్పటికే ప్లాస్మా థెరపీకి సంబంధించి చైనా, అమెరికా దేశాల్లో కొంత అధ్యయనం జరిగింది. కానీ ఈ చికిత్సా విధానం బాగా పని చేస్తుందని ఇప్పుడే చెప్పలేమని కేరళ ప్రభుత్వాధికారి తెలిపారు. 

వెబ్దునియా పై చదవండి

తర్వాతి కథనం ఎమ్మెల్యే రోజాపై ప్రశంసలు... నగరి మున్సిపల్ కమిషనర్‌పై సస్పెన్షన్!!