ఒమిక్రాన్ వైరస్ ముప్పు పొంచివుండటంతో కర్నాటక రాష్ట్ర ప్రభుత్వం కీలక నిర్ణయం తీసుకుంది. పది రోజుల పాటు రాత్రిపూట కర్ఫ్యూను అమలు చేయనుంది. ఒకవైపు ఒమిక్రాన్ వైరస్ శరవేగంగా వ్యాపిస్తుంది. మరోవైపు, కొత్త సంవత్సర వేడుకలు సమీపించాయి. దీంతో ఈ కేసుల సంఖ్య మరింత పెరిగే అవకాశం ఉండటంతో స్థానికల పరిస్థితులకు అనుగుణంగా రాష్ట్రాలు, కేంద్ర పాలిత ప్రాంతాలు ఆంక్షలు విధించాలంటూ కేంద్రం ఆదేశాలు జారీ చేసింది.
దీంతో కర్నాటక ప్రభుత్వం నైట్ కర్ఫ్యూను విధించింది. ఈ నెల 28వ తేదీ నుంచి పది రోజుల పాటు కర్నాటక రాష్ట్ర వ్యాప్తంగా నైట్ కర్ఫ్యూ విధిస్తున్నట్టు ఆ రాష్ట్ర వైద్య ఆరోగ్య శాఖామంత్రి సుధాకర్ వెల్లడించారు. ఈ కర్ఫ్యూ రాత్రి 10 గంటల నుంచి ఉదయం 5 గంటల వరకు కొనసాగుతోందని, ఆ సమయంలో 144 సెక్షన్ అమల్లో ఉంటుందని తెలిపారు. కాగా, కర్నాటక ప్రభుత్వం ఇప్పటికే కొత్త సంవత్సర వేడుకలపై నిషేధం విధించిన విషయం తెల్సిందే.
