మెట్రో రైళ్లు, రైలు ప్లాట్‌ఫారమ్‌లు, ఇతర బహిరంగ ప్రదేశాల్లో డ్యాన్స్ చేస్తూ వీడియోలను నెట్టింట వైరల్ చేస్తుండే ట్రెండింగ్ వైరల్ అవుతోంది. మెట్రో, రైల్వే స్టేషన్ల తర్వాత ప్రస్తుతం ఎయిర్ పోర్టులో కూడా ఇలాంటి డ్యాన్స్ వీడియోలు చేయడం ఆరంభమైంది. ఇలాంటి చర్యలు అనవసరమే కాకుండా ఇతర ప్రయాణీకులకు అసౌకర్యాన్ని కలిగిస్తాయి. ఇప్పుడు, కోల్‌కతా విమానాశ్రయంలోని వెయిటింగ్ ఏరియాలో ఓ యువతి చిందులేసిన వీడియో నెట్టింట వైరల్ అవుతోంది.
బాలీవుడ్ పాటకు ఇన్‌ఫ్లుయెన్సర్ డ్యాన్స్ చేస్తున్న కొత్త వీడియో ఇన్‌స్టాగ్రామ్‌లో కనిపించింది. ఈ వీడియోలో, ఇన్‌స్టాగ్రామ్‌లో 9.1 లక్షల మంది అనుచరులను కలిగి ఉన్న కంటెంట్ సృష్టికర్త సహేలీ రుద్ర, 'హ్యాపీ న్యూ ఇయర్' చిత్రంలోని 'లవ్లీ' అనే బాలీవుడ్ పాటకు డ్యాన్స్ చేసినట్లు కనిపిస్తోంది. ఈ వీడియో నెట్టింటిని షేక్ చేస్తోంది. యువతి డ్యాన్స్ చేస్తున్న సమయంలో ప్రయాణీకులు అసౌకర్యంగా ఫీలయ్యారు. చాలా మంది వ్యక్తులు ఆమెను విమర్శించారు. ఆమెపై చర్యలు తీసుకోవాలని విమానాశ్రయ అధికారులను కోరారు.
