పెళ్లైన మూడు రోజులకే ఆ నవ వధువు తన సింధూరం గురించి కూడా లెక్క చేయకుండా భారత సరిహద్దులకు తన భర్తను పంపింది. ఆమె భర్త ఎవరో కాదు ఆర్మీ జవాన్. భారత్- పాకిస్థాన్ ఉద్రిక్త వాతావరణం నేపథ్యంలో త్రివిధ దళాల్లో ఉన్నవారి సెలవుల్ని రద్దు చేసింది.
అంతే కేకుండా.. దేశంలో ఎమర్జెన్సీ సర్వీసెస్ ఎప్పుడు అందుబాటులో ఉండాలని ఆదేశించింది. ఈ క్రమంలో మహారాష్ట్రలోని జలగావ్‌లో ఒక నవవధువు పెళ్లైన మూడు రోజులకే తన భర్తను యుద్దానికి పంపింది.
పచోరా తాలూకా పుంగావోన్‌కి చెందిన మనోజ్ దన్వేశ్వర్ ఆర్మీలో సైనికుడు. యామినికి, మనోజ్‌కు ఈ నెల 5న పెళ్లి జరిగింది. ఈ సందర్భంగా దేశం కోసం తన సింధూరాన్ని సరిహద్దులకు పంపుతున్నానని నవ వధువు భావోద్వేగానికి లోనైంది. ఇలా నవ వధువు కంట తడి పెట్టిన వీడియో నెట్టింట వైరల్ అవుతోంది.
పెళ్లి చేసుకుని కనీసం మూడు రోజులు కూడా గడవక ముందే.. భర్తను ఆ ఇల్లాలు.. సరిహద్దుకు పంపడం పట్ల నెట్టింట ప్రశంసలు కురిపిస్తున్నారు.
