కంటికి రెప్పలా కాపాడాల్సిన కన్నతండ్రే కన్నేశాడు. మాయమాటలు చెప్పి కన్నబిడ్డను లోబరుచుకున్నాడు. తర్వాత ఆమె శీలంపై కాటేశాడు. ఈ తంతు ఏడేళ్లుగా కొనసాగిస్తూ వచ్చాడు. ఈ క్రమంలో యువతి పలుమార్లు గర్భందాల్చింది. అయినప్పటికీ ఆ కామాంధుడు వదిలిపెట్టలేదు. నాటు మందులు మింగించి అబార్షన్ చేస్తూ, మళ్లీ తన కామవాంఛ తీర్చుకుంటూ వచ్చాడు. చివరకు తన చెల్లిపై కూడా కన్నేశాడు. ఈ విషయం తెలుసుకున్న బాధితురాలు పోలీసులను ఆశ్రయించింది. దీంతో కన్నతండ్రి రూపంలో ఉన్న ఓ మృగాడి వ్యవహారం వెలుగులోకి వచ్చింది.
హర్యానా రాష్ట్రంలోని హిసార్ పట్టణంలో వెలుగు చూసిన ఈ దారుణ ఘటన వివరాలను పరిశీలిస్తే, ఈ పట్టణానికి చెందిన ఓ తండ్రికి ఇద్దరు కుమార్తెలు ఉన్నారు. వీరిలో పెద్ద కుమార్తెకు 17 యేళ్లు, చిన్న కుమార్తెకు 11 యేళ్లు. అయితే, పెద్ద కుమార్తెకు మాయమాటలు చెప్పి లొంగదీసుకున్నాడు. అలా గత ఏడేళ్లుగా ఆమెపై అత్యాచారానికి పాల్పడుతూ వచ్చాడు. పైగా, మానసికంగా, శారిరకంగా హింసించసాగాడు. ఈ క్రమంలో యువతి పలుమార్లు గర్భం రావడంతో దానిని తండ్రి బలవంతంగా తీయించాడు.
ఈ క్రమంలో ఆ కామాంధుడి కన్ను చిన్న కుమార్తెపై పడింది. ఆమెను కూడా లైంగికంగా వధించసాగాడు. ఈ విషయం తెలుసుకున్న పెద్ద కుమార్తె పోలీసులను ఆశ్రయించింది. దీంతో కేసు నమోదు చేసి విచారణ చేపట్టగా, కన్నబిడ్డలను లైంగికంగా వేధించింది నిజమేనని నిందితుడు అంగీకరించాడు.
దీనిపై పెద్ద కుమార్తె మాట్లాడుతూ, గత ఏడేళ్లుగా తనపై అత్యాచారానికి పాల్పడుతున్నట్లు వాపోయింది. ఈ దారుణాన్ని ప్రతిఘటించినప్పుడు తనను చంపేస్తానని బెదిరించినట్లు పేర్కొంది. బాధితురాలి స్టేట్‌మెంట్‌ రికార్డు చేసిన పోలీసులు నిందితుడిని అదుపులోకి తీసుకున్నారు. అతనిపై పలు సెక్షన్ల కింద కేసులు నమోదు చేశారు.
