పోలీసులు ఓవరాక్షన్.. జీపుపై మహిళను కట్టేసి.. ఊరంతా తిప్పారు..
పోలీసులు ఓవరాక్షన్ చేశారు. మీరట్‌లో నిన్నటికి నిన్న ముస్లిం యువకుడిని ప్రేమించిందనే కారణంగా ఓ యువతిపై మహిళా పోలీసులు దాడికి పాల్పడ్డారు. ఈ ఘటనకు సంబంధించిన వీడియో సోషల్ మీడియాలో వైరల్ అయ్యింది. ఈ ఘటన
పోలీసులు ఓవరాక్షన్ చేశారు. మీరట్‌లో నిన్నటికి నిన్న ముస్లిం యువకుడిని ప్రేమించిందనే కారణంగా ఓ యువతిపై మహిళా పోలీసులు దాడికి పాల్పడ్డారు. ఈ ఘటనకు సంబంధించిన వీడియో సోషల్ మీడియాలో వైరల్ అయ్యింది. ఈ ఘటన మరవక ముందే పోలీసులు కర్కశంగా ప్రవర్తించారు. పోలీస్ జీపుపై మహిళను కట్టేసి.. పోలీసులు ఊరంతా తిప్పారు. ఈ ఘటన పంజాబ్‌లోని అమృత్‌సర్‌లోని చవిందా దేవి గ్రామంలో చోటుచేసుకుంది.
వివరాల్లోకి వెళితే.. ఓ ఆస్తి వ్యవహారంలో నిందితుడిని అరెస్ట్ చేసేందుకు పోలీసులు వెళ్లారు. ఆ సమయంలో నిందితుడు ఇంట్లో లేడు. ఇక కుమారుడు, ఇంట్లో వుండి మహిళ భర్తను తీసుకెళ్లేందుకు పోలీసులు ప్రయత్నించారు. కానీ పోలీసులను ఆ మహిళ అడ్డుకుంది. భర్తను, కుమారుడుని తీసుకెళ్లేందుకు ఒప్పుకోలేదు. దీంతో ఆగ్రహానికి గురైన పోలీసులు ఆమెను బలవంతంగా జీపు పైన కట్టేసి ఊరంతా తిప్పారు.
ఆ వేగానికి ఆమె జీపు పైనుంచి కిండపడిపోయి తీవ్రంగా గాయపడింది. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. బాధితురాలి బంధువులు పోలీసుల తీరును తీవ్రంగా ఖండించారు.
తమకు న్యాయం చేయాలంటూ పోలీస్ స్టేషన్ ముందు ధర్నా చేశారు. దీంతో ప్రభుత్వం స్పందించి ఘటనపై విచారణకు ఆదేశించింది. మహిళను అలా జీపుపై కట్టేసి తిప్పడం ఏమిటని నెటిజన్లు కూడా పోలీసులపై మండిపడుతూ కామెంట్లు చేస్తున్నారు.
