కామాంధుల దుశ్చర్యలు మంటగలిసిపోతున్నాయి. వావి వరుసలు, వయోబేధాలు లేకుండా మహిళలపై అకృత్యాలు పెచ్చరిల్లిపోతున్నాయి. తాజాగా కంటికి రెప్పలా కాపాడాల్సిన తండ్రే.. మద్యం మత్తులో కన్నకూతురిపై అత్యాచారానికి పాల్పడ్డాడు. ఈ దుర్ఘటన తమిళనాడులో వెలుగుచూసింది.
వివరాల్లోకి వెళితే, కోయంబత్తూరు జిల్లాలోని అన్నూర్ ప్రాంతంలో 37 ఏళ్ల వ్యక్తి తన భార్య, 10 సంవత్సరాల కూతురితో నివాసముంటున్నాడు. భార్య పనికోసం బయటికి వెళ్లడంతో మద్యం మత్తులో ఐదవ తరగతి చదువుతున్న తన కూతురిపై అత్యాచారానికి తెగబడ్డాడు.
పని నుంచి ఇంటికి తిరిగి వచ్చిన తల్లికి బాలిక జరిగిన ఘోరం గురించి వివరించింది. దీంతో ఆమె తన భర్తపై పోలీసులకు ఫిర్యాదు చేయగా.. పోలీసులు పోక్సో చట్టం కింద కేసు నమోదు చేశారు. నిందితుడిని అరెస్ట్ చేసారు.
