సోషల్ మీడియా పుణ్యమాన్ని ఏ చిన్న సంఘటన కూడా వైరల్ అయిపోతోంది. ఈ వీడియోలు వైరల్ కావడం వల్ల అనేక విషయాల్లో తీసుకునే చర్యలు కూడా వేగంగా జరిగిపోతున్నాయి. తాజాగా ఓ గజరాజు అమిత ఇష్టంతో పానీపూరీలను ఆరగిస్తుంది. దీనికి సంబంధించిన వీడియో ఒకటి ఇపుడు వైరల్ అయింది.
సోషల్ మీడియాలో వైరల్ అవుతున్న ఈ వీడియో ఎక్కడో ఉత్తర భారతదేశం నుంచి వచ్చింది. ఫుటేజీలో ఓ పానీపూరీ చాట్‌ బండి వద్ద ఒక ఏనుగు నిలబడి ఉంది. నెమ్మదిగా పానీపూరీలను దుకాణదారుడే ఏనుగుకు పానీపూరి తినిపించాడు. పానీపూరీలు ఒక్కొక్కటిగా ఆరగించేసింది. మళ్లీ మళ్లీ ఏనుగు తొండం చాచి పానీపూరీ తీసుకుంటోంది. ఈ వీడియో ఇపుడు సోషల్ మీడియాలో చక్కర్లు కొడుతోంది.
