గుజరాత్‌లోని సబర్‌కాంత జిల్లాలో నదులు, వాగులు పొంగిపొర్లుతున్నాయి. ఈ నేపథ్యంలో ఓ జంట వరదల్లో చిక్కుకుంది. అయినా ఆ జంట రిలాక్స్‌గా కారుపై కూర్చుని సాయం కోసం అభ్యర్థించింది. ఈ ఘటనకు సంబంధించిన వీడియో నెట్టింట వైరల్ అవుతోంది.
వరద ఉధృతి తక్కువగా ఉందని భావించి ఓ దంపతులు తమ కారుతో కాజ్‌వేను దాటే ప్రయత్నం చేశారు. అయితే, వరద ఉధృతి అధికంగా ఉండటంతో కారు నదిలో కొట్టుకుపోయింది.
ఓ చోట రాళ్ల మధ్యలో చిక్కుకుపోవడంతో.. కారులో దింపతులిద్దరూ కారు టాప్‌ పైకి ఎక్కారు. దాదాపు రెండు గంటల పాటు కారు టాప్‌ పైనే బిక్కు బిక్కుమంటూ ఉండిపోయారు. కానీ భయపడలేదు. ఆ పరిస్థితి నుంచి బయటపడేందుకు సిద్ధం అయ్యారు.
చివరికి సహాయక సిబ్బంది వారిని కాపాడారు. దీంతో హమ్మయ్య అంటూ ఊపిరిపీల్చుకున్నారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. ఈ దంపతుల ధైర్యాన్ని నెటిజన్లు కొనియాడుతున్నారు.
