తనకు అతీంద్రియ శక్తులున్నాయని విశ్వసించాడు ఓ బీటెక్ విద్యార్థి. ఈ క్రమంలో తనతోటి విద్యార్థులకు తనకు ఆ శక్తులు వున్నాయంటూ ఎన్నో రోజులుగా చెబుతూ వస్తున్నాడు. సోమవారం నాడు ఆ శక్తి ఏమిటో చూపిస్తానంటూ హాస్టల్ భవనం 4వ అంతస్తు పైనుంచి కిందికి దూకేశాడు. అంతే... కాళ్లూ, చేతులు, తలకు తీవ్రగాయాలై ఆస్పత్రి పాలయ్యాడు.
పూర్తి వివరాలు చూస్తే.. తమిళనాడు కోయంబత్తూరు లోని కర్పగం ఇంజినీరింగ్ కళాశాలలో బీటెక్ చదువుతున్న 19 ఏళ్ల ప్రభుకి తనకు అతీంద్రియ శక్తులు వున్నాయని నమ్మకం. తనకు శక్తులు వున్నాయంటే ఎన్నోసార్లు తన తోటి విద్యార్థులకు చెప్తుండేవాడు. అలా సోమవారం నాడు కూడా కాలేజీ హాస్టల్ 4వ అంతస్తు వరండాలో విద్యార్థులు మాట్లాడుకుంటూ వుండగా వారు చూస్తుండగానే హఠాత్తుగా పరుగెత్తుకుంటూ వెళ్లి అక్కడి నుంచి దూకేశాడు. దీనితో అతడి కాళ్లూ, చేతులు విరిగాయి. తలకు తీవ్ర గాయాలయ్యాయి. వెంటనే అతడిని సమీప ఆసుపత్రికి తరలించి చికిత్స అందిస్తున్నారు.
