ఛత్తీస్‌గఢ్‌లో గురువారం రాత్రి ఘోర రోడ్డు ప్రమాదం చోటుచేసుకుంది. ఈ ఘటనలో 11మంది ప్రాణాలు కోల్పోయారు. తీవ్రగాయాలతో ప్రాణాలు కోల్పోయిన మృతులందరూ ఒకే కుటుంబానికి చెందిన వారని పోలీసులు తెలిపారు.
ఓ ట్రక్కు పికప్ వ్యాన్‌ను ఢీకొట్టడంతో ఈ దుర్ఘటన జరిగినట్టు పోలీసులు చెప్పారు. ఈ ప్రమాదంపై సమాచారం అందుకున్న పోలీసులు వెంటనే ఘటనా స్థలానికి చేరుకున్నారు.
క్షతగాత్రులు, మృతదేహాలను ఆసుపత్రికి తరలించారు. ఓ కుటుంబ వేడుకకు హాజరై వస్తుండగా ఈ ప్రమాదం జరిగింది.
