పోర్న్ మూవీలు చూసే అలవాటు ఉన్న ఓ భర్త తన భార్యను కత్తితో పొడిచి హత్య చేశాడు. తాను చూసిన పోర్న్ మూవీలో ఉన్న మహిళ అచ్చం తన భార్యలాగే ఉండటంతో ఆ చిత్రంలో తన భార్యే నటించివుంటుందని భావించి ఈ దారుణానికి పాల్పడ్డాడు. ఈ దారుణం బెంగుళూరులో జరిగింది.
తాజాగా వెలుగులోకి వచ్చిన ఈ వివరాలను పరిశీలిస్తే, బెంగుళూరుకు చెందిన జహీర్ పాషా అనే వ్యక్తి ఆటో డ్రైవరుగా పని చేస్తున్నారు. ఈయనకు పోర్న్ మూవీస్ చూసే అలవాటు ఉంది. అయితే, రెండు నెలల క్రితం ఓ పోర్న్ మూవీ చూశాడు. అందులో ఉన్న మహిళ తన భార్యేనన్న అనుమానం కలిగింది. దీంతో అప్పటి నుంచి ఆమెను వేధించసాగాడు.
నిజానికి ఈ ఆటో డ్రైవర్‌కు వివాహమై 15 యేళ్లు అయింది. ఐదుగురు సంతానం కూడా ఉన్నారు. అయితే పోర్న్ మూవీస్ చూడటానికి అలవాటుపడిన జహీర్ పాషా తాను చూసిన చిత్రంలో ఉన్న మహిళ తన భార్యేనని గుడ్డిగా నమ్మి ఆమెను చిత్ర హింసలకు గురిచేయసాగాడు.
ఈ క్రమంలో గత ఆదివారం భార్యతో గొడవపడిన పాషా.. ఆమెపై కత్తితో దాడి చేశాడు. అది చూసిన పెద్ద కుమారుడు తాతకు చెప్పాడు. వారు పోలీసులను ఆశ్రయించారు. వారంతా ఇంటికి వచ్చి చూసే సమయానికి ఆమె విగతజీవిగా పడివుంది. దీనిపై పోలీసులు కేసు నమోదు చేసి విచారణ జరుపుతున్నారు.
