ఒక్కసారి పడుకో.. ట్రాన్స్‌ఫర్ ఆర్డర్ చేతికిస్తా... ఏమంటావ్...

ఆదివారం, 4 నవంబరు 2018 (15:48 IST)
గుజరాత్ రాష్ట్ర పోలీసు శాఖలో పని చేసే మహిళా ఉద్యోగినుల పట్ల పైస్థాయిలో ఉండే పోలీసు ఉన్నతాధికారుల లైంగిక వేధింపులు శృతిమించిపోయాయి. బదిలీ కోసం దరఖాస్తు చేసుకుంటే తమ కోర్కె తీర్చితేగానీ బదిలీ ఆర్డర్‌పై సంతకం చేయబోమని నిక్కచ్చిగా తేల్చి చెప్పారు. దీంతో ఆ మహిళా ఉద్యోగినులు కమిషన్ దృష్టికి తీసుకెళ్ళారు. ఇది చివరకు ముఖ్యమంత్రికి చేరింది. తాజాగా వెలుగులోకి వచ్చిన ఈ వివరాలను పరిశీలిస్తే, 
 
నిజానికి గత కొంత కాలంగా గుజరాత్ పోలీస్ శాఖలో లైంగిక వేధింపులు కొనసాగుతున్నాయి. నచ్చిన చోటుకు బదిలీ కావాలంటే తమ కోరిక తీర్చాలని సీనియర్ అధికారులు వేధిస్తున్నారంటూ 25 మంది మహిళా హోంగార్డులు ఆవేదన వ్యక్తంచేశారు. ఈ మేరకు వీరు సూరత్ పోలీస్ కమిషనర్ సతీశ్ శర్మకు ఫిర్యాదు చేశారు.
 
ఈ మేరకు కమిషనర్ సతీశ్‌కు 4 పేజీల లేఖను అందజేశారు. బదిలీ కావాలంటే కోరిక తీర్చాలనీ, లేదంటే భారీగా నగదు ముట్టజెప్పాలని ఉన్నతాధికారులు డిమాండ్ చేస్తున్నట్లు అందులో పేర్కొన్నారు. మరో సీనియర్ అధికారి అయితే 'యూనిఫాం సరిచేసుకో' అంటూ తాకరాని చోట తాకారని ఓ హోంగార్డు ఆవేదన వ్యక్తంచేశారు. ఈ విషయం మీడియాలో రావడంతో ఒక్కసారిగా కలకలం చెలరేగింది.
 
దీంతో ఈ విషయాన్ని డీసీపీ దృష్టికి తీసుకెళ్లామనీ, ఈ ఘటనపై జిల్లా స్థానిక ఫిర్యాదుల కమిటీ విచారణ జరుపుతోందని కమిషనర్ సతీశ్ శర్మ వెల్లడించారు. ఈ ఫిర్యాదు కాపీని ముఖ్యమంత్రి రూపానీతో పాటు హోంమంత్రికి కూడా పంపినట్లు తెలిపారు. విచారణలో దోషులుగా తేలినవారిపై కఠిన చర్యలు తీసుకుంటామని డిమాండ్ చేశారు. 

వెబ్దునియా పై చదవండి

తర్వాతి కథనం టీడీపీ నేతలకు పౌరుషం లేదు.. పవన్ కళ్యాణ్