Publish Date: Sun, 07 Jul 2019 (14:31 IST)
Updated Date: Sun, 07 Jul 2019 (15:32 IST)
సోషల్ మీడియా యాప్ల్లో ఒకటైన టిక్ టాక్కు వున్న క్రేజ్ అంతా ఇంతా కాదు. యువకులు టిక్ టాక్ను ఎడా పెడా వాడేస్తున్నారు. ఇలా టిక్ టాక్ ద్వారా ప్రేమలో పడిన ఓ 16ఏళ్ల బాలుడు తండ్రి అయ్యాడు. వివరాల్లోకి వెళితే.. తమిళనాడు, తేనికి చెందిన 16 ఏళ్ల బాలుడు చెన్నైలో చదివేందుకు వచ్చాడు. ఇతని తండ్రి దుబాయ్లో పనిచేస్తున్నాడు.
ఈ నేపథ్యంలో టిక్ టాక్ అతిగా వాడిన ఈ బాలుడికి ఫాలోవర్స్ అధికమయ్యారు. దీంతో పాటు గత ఏడాది అక్టోబర్ నెలలో అదృశ్యమయ్యాడు. ఈ నేపథ్యంలో చెన్నైకి వచ్చిన ఆ బాలుడి తండ్రి మిస్సింగ్ కేసు నమోదు చేశాడు. పది నెలలు గడిచినా ఆ బాలుడి ఆచూకీ తెలియరాలేదు. చివరికి అతను వాడే ఫోన్ ఆధారంగా అతడిని పట్టుకున్నారు. అంతేగాకుండా షాకయ్యారు.
ఆ బాలుడు ఓ నర్సులో ప్రేమలో పడి ఆమెతో సంసారం చేస్తున్నాడు. అంతేగాకుండా అతనికి 40 రోజుల క్రితమే బాబు పుట్టాడని తెలిసింది. దీంతో ఆ బాలుడితో సహజీవనం చేసి ఓ మగబిడ్డకు జన్మనిచ్చిన నర్సుపై కిడ్నాప్ కేసు పెట్టారు. దీనిపై విచారణ జరిపిన కోర్టు శిశువు భవిష్యత్తును దృష్టిలో పెట్టుకుని 16 ఏళ్ల బాలుడి తల్లిదండ్రులు ఐదు లక్షల రూపాయలను చెల్లించాలని ఆదేశించింది.
