రాశాను ప్రేమలేఖలెన్నో....

నీపైన నాకు ఇదమ్మో...
అంటూ ఇమెయిల్ ద్వారా బోలెడంత ప్రేమను ఒలకబోస్తూ ప్రేమ భాగస్వామికి ఎలక్ట్రానిక్ లేఖను చిటికెలో పంపెయ్యవచ్చు. కానీ మీరు పంపిన ఎలక్ట్రానిక్ లేఖను నిద్రపోయే ముందు చదువుకొని, దిండు కింద పెట్టుకుని, ప్రేమలోకంలో విహరించడం కలలో కూడా సాధ్యం కాని పని.

అందుకనే కొంచెం ఓపిక చేసుకుని పెన్ను, పేపరును బయటకు తీసి, మరిచిపోయిన చేతిరాతను సరిచేసుకుని శాశ్వతంగా పదిలపరుచుకునే ప్రేమ లేఖను సంధించండి. తిరుగుటపాలో మీ భాగస్వామి పంపబోయే లేఖ కోసం వెయ్యి కళ్ళతో ఎదురుచూడండి.
ప్రేమస్తు...