ఏపీ రాజకీయాల్లో నాయకుల కప్పగంతులు మామూలుగా వుండటంలేదు. ఏ పార్టీ తమకు ప్రయోజనం కల్పిస్తుందంటే ఆ పార్టీలోకి ఎంతమాత్రం వెనుకాముందూ చూసుకోకుండా జంప్ అయిపోతున్నారు. మరోవైపు జనసేన పార్టీకి వరుస షాకులు ఎదురవుతున్నాయి. నంద్యాల నుంచి ఎస్పీవై రెడ్డి కుటుంబం నుంచి నలుగురు జనసేన నుంచి పోటీలో వున్నారు.
ఐతే వీళ్లంతా తెదేపా తమకు ఎలాంటి ప్రాతినిధ్యం కల్పించలేదని అలిగి వచ్చినవారే. తాజాగా ముఖ్యమంత్రి చంద్రబాబు మొన్న కర్నూలు వెళ్లి ఎస్పైవై రెడ్డి కుటుంబాన్ని బుజ్జిగించారట. జనసేన గెలుస్తుందా... పెడుతుందా... తెదేపాలోకి వచ్చేయండని తెదేపా నాయకులు కూడా చెప్పేశారట. దానితో ఎస్పీవై పునరాలచోన పడినట్లు చెప్పుకుంటున్నారు.
మరోవైపు తెదేపా నుంచి ఎమ్మెల్సీ పదవి ఇస్తానని బాబు హామీ ఇచ్చారట. దీనితో జనసేన పార్టీకి హ్యాండ్ ఇచ్చేందుకు ఎస్పీవై రెడ్డి కుటుంబం రెడీ అవుతున్నట్లు ఊహాగానాలు వినిపిస్తున్నాయి. మరి ఇలాంటి షాకులను జనసేన పవన్ కల్యాణ్ ఇంకెన్ని చూడాల్సి వస్తుందో మరి.
