Publish Date: Mon, 13 Oct 2008 (11:38 IST)
Updated Date: Mon, 13 Oct 2008 (11:37 IST)
నిండునదులు పారు నిల్చి గంభీరమై
వెఱ్ఱివాగు పాఱు వేగబొర్లి
అల్పుడాడు రీతి నధికుండు నాడునా
విశ్వదాభిరామ.. వినుర వేమ...!
తాత్పర్యం :
ఓ వేమా..! నీటితో నిండి ఉండే నదులు గంభీరముగ నిలిచి ప్రవహిస్తూంటాయి. చిన్న సెలయేరులు పైకి పొర్లి వేగంగా ప్రవహిస్తాయి. అదే విధంగా చెడ్డ గుణాలు కలిగినటువంటి వారు తొందరపాటుతనంతో కూడిన మాటలు మాట్లాడేటట్లుగా.. మంచి గుణాలు కలిగిన వారు మాట్లాడరని ఈ పద్యం యొక్క భావం.
