ఉచిత డేటాతో దేశ వ్యాప్తంగా సంచలనం సృష్టించిన జియోకు ధీటుగా ఇతర టెలికామ్ సంస్థలు ఆఫర్లు ప్రకటిస్తున్నాయి. ఇందులో భాగంగా తాజాగా వొడాఫోన్ సంస్థ తన కస్టమర్లకు 2జీబీ డేటా ఆఫర్‌ను ప్రవేశపెట్టింది. వొడాఫోన్ ముందుగా రూ.139 ప్రీ-పెయిడ్ ఆఫర్‌ను ప్రకటించింది. రూ.139 ఆఫర్ కింద 5జీబీ డేటా, అన్‌లిమిటెడ్ వాయిస్ కాల్స్ అందించింది.
అలాగే రూ.229లకు కొత్త ఆఫర్‌ను తాజాగా ప్రవేశపెట్టింది.. వొడాఫోన్. ఈ ఆఫర్ కింద రోజూ 2జీబీ డేటా, అన్ లిమిటెడ్ వాయిస్ కాల్స్, రోజూ వంద ఎస్సెమ్మెస్‌లు అందించనుంది. ఈ ఆఫర్ 28 రోజులకు వర్తిస్తుంది. ఇంకా వొడాఫోన్ ప్లే ద్వారా లైవ్ టీవీ, సినిమాలు, ఇతర ప్రోగ్రామ్‌లు వీక్షించే సౌకర్యం వుంటుంది.
గత నెలలో వొడాపోన్ రూ.16లకు ఫిల్మీ ప్లాన్‌ను ప్రీ-పెయిడ్ యూజర్లకు ప్రవేశపెట్టింది. ఈ ఆఫర్ ద్వారా 1జీబీ, 3జీబీ, 4జీబీ డేటా అల్ట్రా లో ప్రైజ్‌లో అందించింది. సినీ ప్రియులకు కోసం ప్రవేశపెట్టిన 16 రూపాయల ఫిల్మీ ప్లాన్ ఆఫర్ ఒక్క రోజుకే పరిమితం. ఇందులో కాల్స్, ఎస్సెమ్మెస్‌ల బెనిఫిట్స్ వుండవు.
