చాట్‌జీపీటీ, బింగ్ ఏఐ వంటి జనరేటివ్ ఏఐ టూల్స్‌కు విశేష ఆదరణ లభిస్తుండటంతో వీటి ఫలితం పలువురు ఉద్యోగాలు కోల్పోతారనే ఆందోళన వ్యక్తం అవుతోంది. అయితే జనరేటివ్ ఏఐ టూల్స్‌తో కొలువుల కోత వుండదని కొత్త ఉద్యోగాలు పుట్టుకొస్తాయని పలువురు సీనియర్ ఎగ్జిక్యూటివ్‌లు చెప్తున్నారు.
జనరేటివ్ ఏఐ కంప్యూట‌ర్ కోడ్స్ రివ్యూ చేయ‌డం, అర్ధ‌మేటిక్ స‌మ‌స్య‌ల‌ను ప‌రిష్క‌రించ‌డం, న్యూస్ ఆర్టికల్స్ రాయ‌డం చేస్తాయ‌ని వీటి వ‌ల్ల ఉద్యోగాల‌కు ఎలాంటి ముప్పూ ఉండ‌ద‌ని పేర్కొంటున్నారు. బార్సిలోనా వరల్డ్ మొబైల్ కాంగ్రెస్ (ఎండబ్ల్యూసీ) సదస్సు సందర్భంగా టెక్ మహీంద్ర సీఈఐ, ఎండీ సీపీ గుర్నానీ ఏఐ టూల్స్‌పై స్పందించారు.
ఏఐ టూల్స్ అందుబాటులోకి రావడంపై హర్షం వ్యక్తం చేశారు. చాట్‌జీపీటీ వంటి టూల్స్ ఆవిష్క‌ర‌ణ‌తో కొలువుల కోత ఉండ‌ద‌ని, ఈ టూల్స్‌తో మ‌రిన్ని ఉద్యోగాలు అందుబాటులోకి వ‌స్తాయ‌ని గుర్నానీ వ్యాఖ్యానించారు.
