• Alliance
  • Lead/Won
  • Change

మరింత పవర్‌ఫుల్‌గా రానున్న ‘రెడ్‌మి నోట్ 7 ప్రో’!

మంగళవారం, 9 ఏప్రియల్ 2019 (18:14 IST)
48 మెగాపిక్సెల్స్ కెమెరాతో మార్కెట్‌లో సంచలనం సృష్టించేసిన... రెడ్మీ నోట్ 7 ప్రో స్మార్ట్‌ఫోన్ గురించి ప్రత్యేకంగా చెప్పాల్సిన అవసరం లేదు. అయితే ఇప్పుడు ఇందులోనే శక్తివంతమైన వేరియంట్ ఒకటి అందుబాటులోకి రానుంది. ఈ మేరకు ఈ ఫోన్‌కు సంబంధించిన 6 జీబీ ర్యామ్, 128 జీబీ మెమరీ వేరియంట్ అందుబాటులోకి రానుంది.
 
రెడ్‌మి నోట్ 7 ప్రో స్మార్ట్‌ఫోన్ ఇప్పటిదాకా 4 జీబీ ర్యామ్, 64 జీబీ మెమరీ వేరియంట్‌లో మాత్రమే అందుబాటులోకి వచ్చింది. ఈ ఫోన్ బుధవారం నుంచి 6 జీబీ ర్యామ్, 128 జీబీ మెమరీ వేరియంట్ కూడా అందుబాటులోకి రానుంది. ఫ్లిప్‌కార్ట్, ఎంఐ ఇండియా ప్లాట్‌ఫామ్స్‌పై ఏప్రిల్ 10వ తేదీ మధ్యాహ్నం 12 గంటల నుండి ఈ ఫోన్ విక్రయం ప్రారంభం కానుంది.
 
ఇకపోతే ఈ ఫోన్‌లో క్వాల్‌కామ్ స్నాప్‌డ్రాగన్ 675 ప్రాసెసర్, 6.3 అంగుళాల స్క్రీన్, 48 ఎంపీ, 5 ఎంపీ డ్యూయెల్ రియర్ కెమెరా, 13 ఎంపీ సెల్ఫీ కెమెరా వంటి ప్రత్యేకతలు అందుబాటులో ఉన్నాయి. 4 జీబీ ర్యామ్, 64 జీబీ మెమరీ వేరియంట్ ధర రూ.13,999గా ఉంటూండగా... ఇక 6 జీబీ ర్యామ్, 128 జీబీ మెమరీ వేరియంట్ ధర రూ.16,999గా ఉండనుంది. 

వెబ్దునియా పై చదవండి

సంబంధిత వార్తలు

తర్వాతి కథనం యూకేలో ఆ రెండింటిపై నిషేధం.. ఎందుకో తెలుసా?