టెక్ దిగ్గజం గూగుల్ నుంచి విడుదలయ్యే పిక్సెల్ స్మార్ట్ఫోన్లకు విపరీతమైన డిమాండ్ ఉంటుంది. ప్రీమియం సెగ్మెంట్లో విడుదలయ్యే ఈ ఫోన్లు హాట్కేకుల్లా అమ్ముడవుతాయి. అలాంటి గూగుల్ పిక్సెల్ సిరీస్లో ఇప్పుడు ఓ సరికొత్త స్మార్ట్ఫోన్ విడుదలైంది. గూగుల్ పిక్సెల్ 5a 5G.. అమెరికా, జపాన్ మార్కెట్లోకి రిలీజ్ అయ్యింది. కాగా, భారత్తో సహా గ్లోబల్ మార్కెట్లోకి ఎప్పుడు విడుదల చేస్తారనే విషయంపై గూగుల్ ఎటువంటి స్పష్టతనివ్వలేదు.
గూగుల్ పిక్సెల్ 5ఎ 5జిలో ఇతర ప్రీమియం స్మార్ట్‌ఫోన్ల కంటే అద్భుతమైన ఫీచర్లను అందించింది. గూగుల్ పిక్సెల్ 5ఎ 5జి స్మార్ట్ఫోన్ కొత్త "మోస్ట్లీ బ్లాక్" కలర్‌ ఆప్షన్లో లభిస్తుంది. దీని యూనిబాడీ అల్యూమినియం డిజైన్‌తో వస్తుంది.
పిక్సెల్ 5a 5G ఫోన్‌లో డ్యుయల్ కెమెరా సెటప్ ఉంటుంది. 12 MP మెయిన్ కెమెరా, 16 MP అల్ట్రా-వైడ్ కెమెరా వంటివి అందించింది. సెల్ఫీలు, వీడియో కాలింగ్ కోసం ప్రత్యేకంగా 8 MP స్నాపర్ కెమెరాను చేర్చింది.
కెమెరా ఫీచర్లన్నీ 4ఎ, 5ఎ డివైజ్‌లలో ఒకే రకంగా ఉన్నప్పటికీ.. బ్యాటరీ సామర్థ్యంలో మాత్రం తేడాలున్నాయి. పిక్సెల్ 4 ఎలో 3,885 mAh బ్యాటరీని అందించగా.. పిక్సెల్ 5 ఎ డివైజ్‌లో 4,680 ఎంఏహెచ్ బ్యాటరీని చేర్చింది. ఈ బ్యాటరీలు 18W ఫాస్ట్ ఛార్జింగ్కు మద్ధతిస్తాయి. ఈ స్మార్ట్ఫోన్ ఆండ్రాయిడ్ 11 ఓఎస్పై పని చేస్తుంది.
