అలా చేస్తే అమెజాన్ ప్రైమ్ మెంబర్షిప్ ఉచితం... వారికి మాత్రమే...
అమెజాన్ ప్రైమ్ మెంబర్షిప్ ఉచితంగా లభించనుంది. ఇందుకోసం నెటిజన్లు లేదా మొబైల్ వినియోగదారులు చేయాల్సిందల్లా ఒక్కటే. వోడాఫోన్ మొబైల్ నంబరును కలిగివుండటమే. అమెజాన్ సంస్థతో భాగస్వామ్యం అయిన వొడాఫోన్ ఈ ఆఫ
అమెజాన్ ప్రైమ్ మెంబర్షిప్ ఉచితంగా లభించనుంది. ఇందుకోసం నెటిజన్లు లేదా మొబైల్ వినియోగదారులు చేయాల్సిందల్లా ఒక్కటే. వోడాఫోన్ మొబైల్ నంబరును కలిగివుండటమే. అమెజాన్ సంస్థతో భాగస్వామ్యం అయిన వొడాఫోన్ ఈ ఆఫర్‌ను తన కస్టమర్ల కోసం అందుబాటులోకి తెచ్చింది. అయితే, వోడాఫోన్ అందిస్తున్న ప్లాన్లలో రెడ్ పోస్ట్‌పెయిడ్ ప్లాన్‌ను తీసుకున్న వారికి లేదా ఇప్పటికే ఆ ప్లాన్లలో ఉన్నవారికి మాత్రమే ఇది వర్తిస్తుందన్న నిబంధన విధించింది.
వొడాఫోన్ అందిస్తున్న ఈ ఆఫర్‌ను పొందాలంటే ఆ కంపెనీకి చెందిన యాప్‌ను గూగుల్ ప్లే స్టోర్ లేదా యాపిల్ యాప్ స్టోర్ నుంచి ముందుగా డౌన్‌లోడ్ చేసుకోవాల్సి ఉంటుంది. ఇప్పటికే యాప్‌ను వాడే వారు దాన్ని కొత్త వెర్షన్‌కు అప్‌డేట్ చేయాలి. ఆ తర్వాత యాప్‌ను ఓపెన్ చేస్తే అందులో హోమ్ పేజీలో అమెజాన్ ఆఫర్ కనిపిస్తుంది. దాన్ని క్లిక్ చేయాలి.
ఆ పిమ్మట వచ్చే స్క్రీన్‌లో మొబైల్ నంబర్‌ను ఎంటర్ చేస్తే ఓటీపీ జనరేట్ అవుతుంది. ఆ ఓటీపీని ఎంటర్ చేసి కన్‌ఫాం చేయాలి. దీంతో ఆఫర్ లభిస్తుంది. అనంతరం కస్టమర్ ఎంచుకున్న ఈ-మెయిల్ ఐడీకి ఆఫర్‌ను ఇస్తారు. దాంతో అమెజాన్ ప్రైమ్ కస్టమర్‌గా లాగిన్ అయితే చాలు, అమెజాన్ ప్రైమ్ మెంబర్ అవుతారు. అలా రూ.999 విలువైన ఏడాది అమెజాన్ ప్రైమ్ సబ్‌స్క్రిప్షన్‍ను వొడాఫోన్ కస్టమర్లు ఉచితంగా పొందవచ్చు.
