ఎలాన్ మస్క్‌కు చెందిన ఎక్స్ యాప్‌లో కొత్తగా ఎక్స్ చాట్ పేరుతో చాట్ ఇంటర్ ఫేస్‌ను ప్రవేశపెట్టారు. ఇందులో వాట్సాప్ లానే ఇందులో కూడా ఎండ్-టు-ఎండ్ ఎన్‌క్రిప్షన్‌, డిసప్పియరింగ్‌ మెసేజెస్, ఆడియో, వీడియో కాల్స్ వంటి లేటెస్ట్‌ ఫీచర్లు అందుబాటు ఉండనున్నాయి. ఈ ఫీచర్ ద్వారా ఫోన్ నంబర్ అవసరం లేకుండా ఆడియో, వీడియో కాల్స్ మాట్లాడొచ్చు.
ప్రస్తుతం బీటా టెస్టింగ్‌లో ఉన్న ఈ అప్‌డేటెడ్‌ మెసేజింగ్ ఇంటర్ ఫేస్‌ను పరిమిత సంఖ్యలో యూజర్లకు త్వరలో అందుబాటులోకి తీసుకువస్తారని ఎక్ యాజమాన్యం చెప్పింది.
ప్రస్తుతం బీటా టెస్టింగ్‌లో ఉన్న ఈ ఎక్స్ చాట్ త్వరలో పెయిడ్ చందాదారులకు అందుబాటులోకి తీసుకురానున్నారు. ప్రముఖ మెసేజింగ్ యాప్ వాట్సాప్కు పోటీగా ఎక్స్ యాప్ ఇప్పుడు ఎక్స్ చాట్‌ను పరిచయం చేయడం జరిగింది. ఇందులో వాట్సాప్ కంటే మెరుగైన సేవలను అందిస్తామని ఎక్స్ వెల్లడించింది.
