సురేష్ రైనా రెండో సారి తండ్రి అయ్యాడు.. రియా రైనాకు తమ్ముడొచ్చాడు..

మంగళవారం, 24 మార్చి 2020 (13:24 IST)
టీమిండియా మాజీ క్రికెటర్, అదుర్స్ బ్యాట్స్‌మెన్ సురేష్ రైనా రెండోసారి తండ్రి అయ్యాడు. ఐపీఎల్‌లో చెన్నై సూపర్ కింగ్స్‌కు ప్రాతినిథ్యం వహిస్తున్నాడు. చెన్నై ఫ్యాన్స్ ఆతనిని చిన్న తలై అని పిలుస్తుంటారు. 
 
ఈ నేపథ్యంలో సురేష్ రైనా భార్య రెండో శిశువుకు జన్మనిచ్చింది. దీనికి సంబంధించిన ఫోటోను సురేష్ రైనా ట్విట్టర్‌లో షేర్ చేశారు. అందులో భార్య, శిశువుతో సురేష్ రైనా కనిపించారు. తన కుమార్తె రియా రైనా తమ్ముడిని స్వాగతిస్తున్నామని తెలిపాడు.  
 
ఐపీఎల్‌లో చెన్నై సూపర్ కింగ్స్ తరఫున ఆడుతున్న రైనా గత నెలలోనే చెన్నైలో శిక్షణ ప్రారంభించాడు. తెలుగు క్రికెటర్ అంబటి తిరుపతి రాయుడు, టీమిండియా మాజీ కెప్టెన్ మహేంద్ర సింగ్ ధోనీతో కలిసి సాధన చేశాడు. 
 
అయితే కరోనా వైరస్ వ్యాప్తి లోకి రావడంతో ఐపీఎల్‌ను ఈ నెల 29 నుంచి వచ్చే నెల 15కు వాయిదా పడిన సంగతి తెలిసిందే. దీంతో ఐపీఎల్ శిక్ష‌ణ శిబిరాల్లో ఉన్న‌టువంటి క్రికెటర్లు అందరూ తమ స్వస్థలాలకు వెళ్లిపోయారు. ఐపీఎల్‌పై బీసీసీఐ ప్రకటన కొరకు అందరూ ఉత్కంఠగా ఎదురు చూస్తున్నారు. మరోవైపు దేశంలో రోజురోజుకు కరోనా పాజిటివ్ కేసులు పెరుగుతుండడంతో ఈ ఏడాది ఐపీఎల్ నిర్వహణ సందిగ్ధంలో పడింది.

వెబ్దునియా పై చదవండి

తర్వాతి కథనం మహిళల టీ20 ప్రపంచకప్‌.. అరుదైన రికార్డు..