ఉప్పల్‌లో ఐపీల్ 10 ప్రారంభ మ్యాచ్ : భద్రతలో 1800 పోలీసులు...
ఇండియన్ ప్రీమియర్ లీగ్ పదో ఎడిషన్ పోటీలు ఈనెల 5వ తేదీ నుంచి ప్రారంభంకానున్నాయి. ఉప్పల్‌లోని హైద‌రాబాద్‌లోని రాజీవ్ గాంధీ ఇంట‌ర్నేష‌నల్ క్రికెట్ స్టేడియంలో మొద‌టి మ్యాచ్ జ‌ర‌గ‌నుంది.
ఇండియన్ ప్రీమియర్ లీగ్ పదో ఎడిషన్ పోటీలు ఈనెల 5వ తేదీ నుంచి ప్రారంభంకానున్నాయి. ఉప్పల్‌లోని హైద‌రాబాద్‌లోని రాజీవ్ గాంధీ ఇంట‌ర్నేష‌నల్ క్రికెట్ స్టేడియంలో మొద‌టి మ్యాచ్ జ‌ర‌గ‌నుంది.
ఈ పరిస్థితుల్లో రాచకొండ కమిషనరేట్ కమిషనర్ మహేశ్ భగవత్ సోమవారం మీడియాతో మాట్లాడుతూ... నగరంలో మొత్తం 8 ఐపీఎల్ మ్యాచ్‌లు జరుగుతాయని, ఈ మ్యాచ్‌లన్నింటికీ గట్టి భద్రతను కల్పిస్తామని ఆయన తెలిపారు.
భద్రత కోసం ఏకంగా 1800 మంది పోలీసులు, 88 సీసీ కెమెరాలతో భద్రతా ఏర్పాట్లు చేసినట్లు చెప్పారు. అలాగే, ఈ మ్యాచ్‌లకు ప్రత్యేక షీ బృందాలను కూడా ఏర్పాటు చేసినట్లు తెలిపారు. మ్యాచ్ జరిగే సమయంలో స్టేడియంలోకి కేవలం మొబైల్ ఫోన్లు మాత్రమే అనుమతిస్తామని, ఇతర ఎలక్ట్రానిక్ పరికరాలు అనుమతించబోమ‌ని స్పష్టం చేశారు.
