Publish Date: Wed, 25 May 2016 (10:40 IST)
Updated Date: Wed, 25 May 2016 (11:13 IST)
నందమూరి నటసింహం బాలకృష్ణ, క్రిష్ కాంబినేషన్లో తెరకెక్కుతున్న చిత్రం ''గౌతమీపుత్ర శాతకర్ణి''. శాతవాహన చక్రవర్తి గౌతమీపుత్ర శాతకర్ణి జీవితకథను ఆధారంగా ఈ చిత్రం తెరకెక్కుతుంది. ఈ సినిమా షూటింగ్ కొన్ని రోజులుగా మొరాకోలో జరిగింది. మొరాకోలోని అట్లాస్ స్టూడియోస్లో వరు జార్జియస్లో యుద్ధ సన్నివేశాలను తెరకెక్కించారు. రామ్ - లక్ష్మణ్ నేతృత్వంలో బాలకృష్ణ , కబీర్ బేడీలతో పోరాట సన్నివేశాలను దర్శకుడు తెరకెక్కించారు. దాదాపు 1000 మందితో భారీ సన్నివేశాలను పూర్తి చేశారు.
ఇంకో ముఖ్య విషయం ఏంటంటే ఇంతవరకూ మొరాకోలో హాలీవుడ్ సినిమా షూటింగులు మాత్రమే జరుగుతూ వచ్చాయి. ఈ చిత్రం తాజాగా మొదటి షెడ్యూల్ని పూర్తి చేసుకుంది. ఇక ఈ చిత్ర తదుపరి షెడ్యూల్ మరి కొద్ది రోజుల్లోనే ప్రారంభంకానుంది. అయితే ఇప్పటి వరకు హాలీవుడ్ సినిమాలు మాత్రమే మొరాకోలో షూటింగ్ జరుపుకోగా, తొలిసారి ఓ ఇండియన్ చిత్రం, అదీ మన తెలుగు చిత్రం మొరాకోలో రెండు వారాల పాటు షూటింగ్ జరుపుకోవడం విశేషం. ఈ సినిమా షూటింగులో రెండు వందల గుర్రాలను.. రెండు వందల ఒంటెలను ఉపయోగించడం ఇంకో విశేషం. ఇంకా ఈ చిత్రం విడుదలై ఇంకెన్నిరికార్డులు సృష్టిస్తుందో వేచి చూడాల్సిందే.
