ఆ పాకిస్థాన్ దంపతులు తమకు పుట్టిన బిడ్డకు 'బార్డర్' అని పేరు పెట్టుకున్నారు. ఇలాంటి పేరు ఎందుకు పెట్టారో తెలుస్తే మీరంతా విస్తుపోతారు. భారత్ - పాకిస్థాన్ సరిహద్దు ప్రాంతం వాఘా - అట్టారి. ఈ ప్రాంతంలో ఓ పాకిస్థాన్ మహిళ పండంటి బిడ్డకు జన్మనిచ్చింది. దీనికి గుర్తుగా ఆ మహిళ తన బిడ్డ పేరును బార్డర్‌గా పెట్టుకుంది.
2021 సంవత్సరం డిసెంబరు 2వ తేదీన ఆ మహిళకు డెలివరీ అయింది. ఆ మహిళ పేరు నింబు బాయి. తన భర్త పేరు బలమ్ రామ్. పంజాబ్ ప్రావిన్స్‌లోని రాజన్‌పూర్ జిల్లాకు చెందిన వాళ్లు గత 71 రోజుల వాఘా బార్డర్ వద్దే పడికాపులు కాస్తున్నారు. వాళ్ళతో పాటు మరికొంతమంది పాకిస్థానీయులు కూడా అదే బార్డర్ వద్ద పర్మిషన్ కోసం వేచి చూస్తున్నారు.
