పాకిస్థాన్ తాత్కాలిక ప్రధానిగా మాజీ చీఫ్ జస్టీస్.. ఎందుకు?

పాకిస్థాన్ తాత్కాలిక ప్రధానమంత్రిగా మాజీ చీఫ్ జస్టీస్ నాసీరుల్ ముల్క్ నియమితులయ్యారు. ఆయన గురువారం తర్వాత పదవీ బాధ్యతలు స్వీకరిస్తారు. అయితే, పాకిస్థాన్‌కు తాత్కాలిక ప్రధానమంత్రి ఏంటి అనే కదా మీ సందేహ

పాకిస్థాన్ తాత్కాలిక ప్రధానమంత్రిగా మాజీ చీఫ్ జస్టీస్ నాసీరుల్ ముల్క్ నియమితులయ్యారు. ఆయన గురువారం తర్వాత పదవీ బాధ్యతలు స్వీకరిస్తారు. అయితే, పాకిస్థాన్‌కు తాత్కాలిక ప్రధానమంత్రి ఏంటి అనే కదా మీ సందేహం.

పాకిస్థాన్‌లో ప్రస్తుతం కొలువైవున్న ప్రభుత్వం పదవీకాలం ఈ గురువారంతో ముగియనుంది. దీంతో ప్రస్తుత ప్రధాని షాహిద్ ఖకన్ అబ్బాసీ దిగిపోవాల్సి వుంది. ఈ కారణంగా ఆ దేశానికి తాత్కాలిక ప్రధానిని నియమించాల్సిన పరిస్థితి ఏర్పడింది. ఇదిలావుంటే, జులై 25న జరగబోయే సార్వత్రిక ఎన్నికలు జరుగనున్నాయి. దీంతో తాత్కాలిక ప్రధాని విషయంలో కొన్ని వారాలుగా అధికార పాకిస్థాన్ ముస్లిం లీగ్ - నవాజ్, ప్రతిపక్ష పాకిస్థాన పీపుల్స్ పార్టీ మధ్య వాదనలు జరిగాయి. 

చివరకు మాజీ జస్టీస్ నాసీరుల్ ముల్క్ పేరును ఖరారు చేశారు. ముల్క్ పేరును వ్యతిరేకించే వాళ్లు ఎవరూ ఉండరనే ఈ నిర్ణయం తీసుకున్నట్టు తెలిపారు. కాగా, ఈయన పాకిస్థాన్ ఎన్నికల సంఘానికి గతంలో తాత్కాలిక చీఫ్‌గా కూడా వ్యవహరించారు. అయితే కొత్త ప్రభుత్వం ఏర్పడే వరకు ఎలాంటి కీలక నిర్ణయాలు తీసుకొనే అవకాశం తాత్కాలిక ప్రధానికి ఉండదు.