అణు యుద్ధానికి సన్నద్ధమవుతున్న నార్త్ కొరియా

ఉత్తర కొరియా అణు యుద్ధానికి సన్నద్ధమవుతోంది. ఇప్పటికే భారీ ఆయుధాలను సరిహద్దులకు తరలించిన ఉత్తర కొరియా.. ఇపుడు యుద్ధం వస్తే ఎలా ఖాళీ చేయాలన్నదానిపై డ్రిల్స్ నిర్వహించారు.

ఉత్తర కొరియా అణు యుద్ధానికి సన్నద్ధమవుతోంది. ఇప్పటికే భారీ ఆయుధాలను సరిహద్దులకు తరలించిన ఉత్తర కొరియా.. ఇపుడు యుద్ధం వస్తే ఎలా ఖాళీ చేయాలన్నదానిపై డ్రిల్స్ నిర్వహించారు. వాటిని అధ్యక్షుడు కిమ్ స్వయంగా పర్యవేక్షించారు. అణు యుద్ధానికి కిమ్ సన్నాహాలు చేస్తున్నారు. రాత్రిపూట లైట్లను సైతం ఆపేస్తామని ఆయన ప్రకటించారు. శత్రువుకు తమ జాడ కూడా తెలియకుండా దొంగ దెబ్బ తీస్తామని కిమ్ హెచ్చరిస్తున్నారు. ఇప్పటివరకు ఇలాంటి డేంజరస్ డ్రిల్స్ చేయలేదని ఉత్తరకొరియా సైనికాధికారులు చెప్పారు.

నిజానికి కొరియా దేశాల మధ్య పచ్చగడ్డివేస్తే భగ్గుమంటోంది. ఈ రెండు దేశాల మధ్య గత 1950లో ఉత్తర, దక్షిణ కొరియా మధ్య తొలి కొరియన్ వార్ జరిగింది. ఇప్పుడు మళ్లీ యుద్ధం తప్పదని కిమ్ సంకేతాలు ఇచ్చారు. ఉత్తర కొరియా ఒకవేళ విధ్వంసకాండకు దిగితే ఆసియా దేశాలన్నీ తమ అణ్వాయుధాలను తీయాల్సి ఉంటుందని అమెరికా రక్షణ నిపుణులు అన్నారు. ఆసియా దేశాలన్నీ ఒకే తాటిపైకి రావాలని ఆయన పిలుపు ఇచ్చారు. కిమ్ మెడలు వంచాలని అన్నారు. మరోవైపు అమెరికా - ఉత్తరకొరియా మధ్య యుద్ధం వచ్చేలా ఉందని అంతర్జాతీయ నిపుణులు అంచనా వేస్తున్నారు.