సాధారణంగా మనకు నచ్చిన వంటకం అంటే రోజూ ఒక పూట తింటాం. లేదంటే మాసానికో, వారానికో రెండుసార్లు తీసుకుంటాం. అందుకని మిగిలిన వంటకాలను పక్కనబెట్టేసి.. నచ్చిన వంటకాన్ని అదేపనిగా తింటూ కూర్చోం. కానీ ఓ వ్యక్తి మాత్రం ఒకరోజు కాదు.. రెండురోజులు కాదు.. ఏకంగా 450 రోజులు ఒకే డిష్ అదేనండి.. ఒకటే వంటకం తింటున్నాడు.. ఓ వ్యక్తి. వేరొక వంటకాన్ని అస్సలు ముట్టుకోలేదు.
తనకు నచ్చిన వంటకాన్ని ఏకంగా 15 నెలలుగా తింటూ గడిపిన వ్యక్తి గురించి తెలుసుకుందాం. రోజూ చికెన్ రైస్‌ను మాత్రమే తీసుకుంటూ 15 నెలలు గడిపేశాడు ఓ సింగపూర్ వ్యక్తి. చికెన్ రైస్ అంటే ఆ వ్యక్తికి చాలా ఇష్టమని.. అందుకే రోజూ డైట్‌లో అదే వుంటుందట. అంతేకాకుండా తాను తీసుకుంటూ వచ్చిన చికెన్ రైస్‌ను ఫోటో తీసి ఇన్‌స్టాగ్రామ్‌లో పోస్టు చేశాడు. ప్రస్తుతం ఆ ఫోటో వైరల్ అవుతోంది.
ఇంకేముంది.. చికెన్ రైస్‌ను మాత్రమే రోజూ తినే వ్యక్తికి ఇన్‌స్టాగ్రామ్‌లో ఫ్యాన్స్ పెరిగిపోతున్నారు. అలాగే ఆతన్ని ఫాలో చేస్తూ.. లైక్స్, షేర్లు ఇచ్చేవారి సంఖ్య కూడా బాగా పెరిగిపోతోంది.
