వీర్యంతో కూడిన కండోమ్‌లను తరగతిగదికి తీసుకురావాలంటూ స్కూల్ టీచర్ చెప్పిన హోమ్ వర్క్ తల్లిదండ్రుల ఆగ్రహానికి కారణమైంది. ఈ విషయం మీడియా వరకూ చేరడంతో రచ్చ మొదలైంది. ఫలితంగా ఆమె తన ఉద్యోగాన్ని కోల్పోవాల్సి వచ్చింది.
పూర్తి వివరాల్లోకి వెళితే.. దక్షిణ ఆమెరికాలోని దేశమైన బోల్వియాకు చెందిన మరియా ఐనెస్ అనే మహిళ.. ఓ హైస్కూల్‌లో సెక్స్ ఎడ్యూకేషన్ టీచర్‌‌గా విధులు నిర్వహిస్తున్నారు. ఈ క్రమంలో ఓ తరగతి విద్యార్థులకు ఆమె తాజాగా వినూత్న టాస్క్ ఇచ్చారు.
వీర్యంతో కూడిన కండోమ్‌లను తీసుకుని స్కూల్‌కు రావాల్సిందిగా హోమ్‌వర్క్ ఇచ్చారు. అది తెలిసి.. ఆ విద్యార్థుల తల్లిదండ్రులు ఫైర్ అయ్యారు. దీంతో టీచర్‌కు ఉద్యోగం ఊడింది.
ఈ సందర్భంగా ఆమె మీడియాతో మాట్లాడారు. తన ఉద్దేశాన్ని తప్పుగా అర్థం చేసుకున్నట్టు ఆవేదన వ్యక్తం చేశారు. తేమతో కూడిన వాతావరణంలో వీర్యకణాలు ఎంత కాలం పాటు జీవించగలవు అనే విషయాన్ని ప్రాక్టికల్‌గా విద్యార్థులకు చెప్పడంతో పాటు విద్యార్థులు దానికి దూరంగా ఉండాలని సూచించేందుకే ఆ హోమ్‌వర్క్ ఇచ్చినట్టు చెప్పారు.
