బర్డ్ ఫ్లూ ఇప్పుడు భారతదేశంలోనే కాదు, అమెరికాలో కూడా ఆందోళన కలిగిస్తోంది. భారతదేశంలో బర్డ్ ఫ్లూపై ఆందోళనలు కోడిమాంసం కోడిగుడ్ల అమ్మకాలలో గణనీయమైన తగ్గుదలకు దారితీశాయి. అమెరికాలో, వ్యాప్తి కారణంగా కోడిగుడ్ల ధరలు గణనీయంగా పెరిగాయి.
యునైటెడ్ స్టేట్స్‌లో గుడ్లు ప్రోటీన్ కోసం విరివిగా వాడుతారు. దీని వలన కోడిగుడ్లకు అధిక డిమాండ్ వుంటుంది. అయితే, బర్డ్ ఫ్లూ వ్యాప్తి కారణంగా గుడ్లు పెట్టే కోళ్లు పెద్ద సంఖ్యలో మరణించాయి. దీంతో చికెన్ డిమాండ్ పెరిగింది. కానీ సరఫరా తగ్గుదల కోడిగుడ్ల ఉత్పత్తిపై ప్రభావాన్ని చూపింది.
ఇంకా ధరలు కూడా పెరిగాయి. యునైటెడ్ స్టేట్స్‌లోని కొన్ని ప్రాంతాలలో, ఒక డజను కోడిగుడ్ల ధర సుమారు రూ.867కి పెరిగింది. ఇది పరిస్థితి ఎంత తీవ్రంగా వుందో తెలియజేస్తుంది. గత ఏడాది జనవరి నుంచి దేశంలో గుడ్ల ధరలు పెరుగుతున్నాయి.
ఉత్పత్తి తగ్గుదల కారణంగా, కొన్ని సూపర్ మార్కెట్లు వినియోగదారులు కొనుగోలు చేయగల కోడిగుడ్ల సంఖ్యపై పరిమితులు విధించాయి. ఏవియన్ ఇన్‌ఫ్లుఎంజా (బర్డ్ ఫ్లూ) కోళ్లలో వేగంగా వ్యాపిస్తుంది. దీని వ్యాప్తిని అరికట్టే ప్రయత్నంలో, అధికారులు లక్షలాది సోకిన కోళ్లను చంపుతున్నారు. వాణిజ్య పొలాల్లో పెంచే కోళ్ల కంటే, స్వేచ్చగా పెంచే, ఇంట్లో పెంచే కోళ్లపై బర్డ్ ఫ్లూ ప్రభావం ఎక్కువగా ఉంటుందని అధ్యయనాలు సూచించాయి.
