అల్ ఫ్రాకేన్ను మించిపోయిన డోనాల్డ్ ట్రంప్ : బిల్ బ్లాడ్ విన్
అమెరికా అధ్యక్షుడు డోనాల్డ్ ట్రంప్‌పై మరో లైంగిక ఆరోపణ వచ్చింది. ఇపుడు చేసింది హాలీవుడ్ నటుడు బిల్ బ్లాడ్ విన్. ఇది హాలీవుడ్‌లో సంచలనంగా మారింది. ఒంటరిగా ఉన్న తన భార్యను గదిలోకి తీసుకెళ్లి లైంగికంగా వ
అమెరికా అధ్యక్షుడు డోనాల్డ్ ట్రంప్‌పై మరో లైంగిక ఆరోపణ వచ్చింది. ఇపుడు చేసింది హాలీవుడ్ నటుడు బిల్ బ్లాడ్ విన్. ఇది హాలీవుడ్‌లో సంచలనంగా మారింది. ఒంటరిగా ఉన్న తన భార్యను గదిలోకి తీసుకెళ్లి లైంగికంగా వేధించాడంటూ ఆయన ట్విట్టర్ ఖాతాలో ఓ ట్వీట్ చేశారు. ఇది వైరల్ అయింది. ఈ వివరాలను పరిశీలిస్తే,
న్యూయార్క్‌లోని మన్‌హట్టన్‌లో ఒక కార్యక్రమంలో పాల్గొనేందుకు తాను, తన భార్య కలిసి వెళ్లినట్టు చెప్పాడు. అపుడు ఒక హోటల్‌లో ట్రంప్ తన భార్య చెన్యా ఫిలిప్‌పై లైంగిక వేధింపులకు పాల్పడ్డారని బిల్ ఆరోపించాడు. ఒంటరిగా ఆమెను గదిలోకి పిలిచిన ట్రంప్ ఆమెపై లైంగిక దాడి చేసేందుకు ప్రయత్నించారని ఆరోపించారు. మహిళలను లైంగికంగా వేధించడంలో హాలీవుడ్ నిర్మాత అల్ ఫ్రాకేన్ను ట్రంప్ మించిపోయాడన్నారు.
తన భార్యను లైంగికంగా వేధించడమేకాకుండా ఆమెను బలవంతంగా తన హెలికాప్టర్‌లో ఎక్కించుకుని వెళ్లేందుకు ట్రంప్ ప్రయత్నించాడని ఆరోపించాడు. అల్ ఫ్రాకేన్ కంటే ట్రంప్ 5 రెట్లు ఎక్కువగా మహిళలను లైంగికంగా వేధిస్తాడని బిల్ బ్లాక్ విన్ తెలిపాడు. గత కొంతకాలంగా హాలీవుడ్‌లో లైంగిక వేధింపులపై సోషల్ మీడియా మాధ్యమంగా పోరాటం జరుగుతున్న సంగతి తెలిసిందే. ఈనేపథ్యంలో ఆయన తన భార్యపై జరిగిన వేధింపులను వెల్లడించడం ఇపుడు సంచలనంగా మారింది.
